Наманган вилоятида судлар томонидан кўриб чиқилган фуқаролик низолари сони 22,4 фоизга камайди. Бу ҳақда «Дарё»га Фуқаролик ишлари бўйича вилоят суди раиси Абдураҳмон Сафоев маълум қилди.
Уларнинг сони 2017 йилда 17254 тани ташкил этган бўлса, 2018 йилда бу кўрсаткич 13380 тага тенг бўлди.
Жумладан, ўтган йил давомида аксарият оилавий низолар — уйга киритиш ҳақидаги 114 та (2017 йилда 155 та), уйдан кўчириш ҳақидаги 44 та (48 та), никоҳдан ажратиш ҳақидаги 1496 та (1515 та), уй-жойни умумий мулк деб топиш, бўлиш ёки улуш ажратиш ҳақидаги 21 та (31 та), оталикни белгилаш ҳақидаги 127 та (189 та), болани ўз тарбиясига олиш ҳақидаги 52 та (61 та), ота-оналик ҳуқуқидан маҳрум қилиш ҳақидаги 16 та (28 та) ишлар 2017 йилга нисбатан камайган.
Судлар томонидан ажралиш арафасида турган 393 та оилани яраштириш чоралари кўрилган.
Изоҳ (0)