Ҳозирда ишбилармон одамни нимасиз тасаввур қилиб бўлмайди?
Албатта, ноутбуксиз.
Бу гаджет иш учун мўлжалланган, интернет мавжуд бўлса, бўш вақтларда у орқали суҳбат қуриш, мусиқа тинглаш ва фильм томоша қилиш мумкин.
Аммо ҳалигача кўпчилик инсонлар сифатли ноутбукнинг нархи қиммат деб ўйлашади.
Келинг, бу фикр қанчалик тўғрилигини текшириб кўрамиз.
Хариддан олдин...
Бизнесга мўлжалланган ноутбук – бу юқори иш самарадорлигига эга бўлган ихчам ва ишончли «беминнат ёрдамчи»дир. Бундай ноутбукни танлашда сиз учун оптимал бўлган нархдан ташқари яна қуйидагиларга ҳам эътибор қаратиш зарурдир:
Яхши техник хусусиятлар
Оператив хотира ҳажми 4-6 ГБдан кам бўлмаслиги керак, процессор эса 8 авлоддаги Intel Core i5 ёки i7 туркумида бўлиши мақсадга мувофиқдир. Агар сиз дизайнер ёки геймер бўлмасангиз, кучли видеокарта сингари параметрлар муҳим аҳамият касб этмайди, чунки улар қурилма нархининг қимматлашишига сабаб бўлади.
Экран ўлчами
Оптимал ўлчам: 12,5-14 дюйм орасида. Жуда кичкина ёки катта ўлчамдаги экранларни танлаш бу борада бироз нотўғри. «Олтин ўрталик»ни танлаган маъқул.
Мобиллик
Ноутбукда йўл, қаҳвахона ёки мажлислар каби ташқи шароитларда ҳам ишлаш қулай бўлиши учун унинг ихчамроғини танлаганингиз яхши.
Янгилаш ва таъмирлаш имконияти
Ўзингизга маъқул лептопни танлаганингиздан сўнг, унинг келгуси апгрейди ва сервис хизмати ҳақида бош қотириш керак.
Енгилроқ, юпқароқ ва арзонроқ
HP компанияси ноутбуклар сотуви борасида жаҳонда биринчи ўринни эгаллайди. Бунинг сири оддий – ҳар бир сегментдаги харидорлар учун компания қўйилган вазифаларни янада самаралироқ бажарадиган тор йўналишдаги ноутбуклар қаторини ишлаб чиққан.
Қуйида тақдим қилинган моделларнинг барчаси тушунишга осон бўлиб, улардан ҳам бизнес соҳаси вакили, ҳам оддий мактаб ўқувчиси фойданиши мумкин. Бунинг устига ёқимли бонус ҳам мавжуд: HP ноутбуклари мунтазам янгиланиб туради. Улар янада енгил, юпқа ва арзон бўлди.
HP 200 серияси
Бу серия офис ишига мўлжалланган замонавий ва ишончли ёрдамчи бўлиб, бизнесга оид кундалик вазифаларни осон бажариши мумкин. Мазкур серияда 4 ГБ оператив хотира ва 500 ГБ/1ТБ сиғимли қаттиқ дискка эга бўлган ҳамёнбоп моделлар ўрин олган.
Юқори мустаҳкамлик даражасига эга пластикдан ишланган ва қўл изларини ўзида қолдирмайдиган корпус сизга ёқиши шубҳасиз.
Агар сиз юқори иш самарадорлиги ва бир вақтнинг ўзида замонавий дизайнга эга лептоп излаётган бўлсангиз, унда ProBook 400 сериясига эътибор қаратинг.
Такомиллашган хусусиятлар ва хавфсизлик функциялари билан кучайтирилган ушбу юпқа ноутбуклар ёшроқ харидорлар доираси учун махсус ишлаб чиқилган. Моделлардан бирининг вазни атиги 1,5 кг. Корпус ранги ҳам ноодатий, аммо ёшларга ёқадиган кумуш рангда. Бу ҳам кичик бизнес учун қиммат бўлмаган ечим ҳисобланади.
16 ГБгача бўлган оператив хотира юқори иш самарадорлигини таъминлайди. Конфигурацияга қараб қурилмалар Celeron ёки Intel Core процессорлари билан жиҳозланиши мумкин.
ProBook 600 сериясидаги моделлар иш учун мўлжалланган ноутбуклар орасида анча оммалашган.
Бунда гап фақат аъло сифатли техник параметрларда бўлмай, балки бутловчи қисмларнинг яхшиланишида ҳамдир. Айнан мана шу хусусият билан у юқоридаги моделлардан фарқланади.
MIL-STD 810G стандартига мослик ва 120 000 соатли синовлар зарбаларга чидамлилик ва деярли ҳар қандай шароитда ишлаш имконияти билан таъминлайди. Узоқ йиллар хизмат қилишга мўлжалланган мазкур ноутбуклар кундалик фаол фойдаланиш учун махсус лойиҳалаштирилган.
Ҳашамдор HP
Агар ProBook’лардан барча бемалол фойдалана олса, биз қуйида сизга маълумот берадиган Elite Book сериясидаги барча моделлар айнан бизнесга мўлжалланган. Улар янада ишончли, янада сифатли ва янада ҳашамдордир. Фойдаланувчилар форумларда бу серия ҳақида шундай деб ёзишади: «Булар мутлақо шовқинсиз моделлардир», «анча тезкор», «ўлмас аккумулятор», «камчиликларни кўрмадим».
Ушбу серияларни муҳим бир жиҳат, яъни уларнинг ҳарбий стандартларга яқин тарзда ишлаб чиқарилгани бирлаштириб туради – ноутбукни ёғоч полга тушириб юборсангиз ҳам унга ҳеч нарса қилмайди, албатта, биз бундай қилишни сизга маслаҳат бермаган бўлардик.
Elite Book 800 серияси
Ушбу сериядаги моделлар HP яратган ноутбуклар орасида энг хавфсиз ва осон бошқариладиган гаджетлар ҳисобланади. Ўта ёрқин дисплей ва замонавий дизайн фойдаланувчиларга ёқиши турган гап.
Ҳаддан ортиқ юпқа бўлган мазкур лептопларнинг кучли жиҳатларига юқори иш самарадорлигига эга процессор (ҳар хил моделларда булар: Intel® Core i5-7200U /i5-8250U/i7-8550U), 16 Гбгача бўлган оператив хотира, шунингдек, ушбу сериядаги ҳар битта ноутбук экрани 4 хил версияда бўлиши мумкин (ёки милтиллашга қарши дисплей қопламини ҳисобга олсак, бу сон 6 тагача ортиши мумкин).
Elite Book 1000 серияси - зўр вариант
Бу серия юқори иш самарадорлигига эга бўлиб, ўзида сақланаётган маълумотларнинг ишончли ҳимоясини таъминлайди. Бу қўшимча тарздаги эксклюзив дизайн ҳам кўпчиликнинг кўзини қувонтиради.
Ва ниҳоят HP жавоҳири – бағоятда юпқа Elite Book Folio ультрабуклари. Қўлда танлаб чиқилган материаллар ҳамда корпоратив фаолият учун оптималлаштирилган премиум функциялар туфайли ушбу ноутбук қойилмақом ишни қадрига етадиганлар учун идеал танлов бўла олади.
Сиз қайси моделни танлашингиздан қатъий назар, сиз кафолатланган тарзда оптимал нархда сифатли маҳсулотни қўлга киритасиз. HP техникасини унинг ишончлилиги сабабли бутун дунёда қадрлашади. Hewlett-Packard заводларидаги сифат назорати қаттий назорат қилинади, шунинг учун ушбу бренд ноутбуклари сизга узоқ йиллар давомида хизмат қилишига асло шубҳа қилмасангиз ҳам бўлади.
Материал Ўзбекистондаги IT-дистрибьютор - CA Distribution Company МЧЖ кўмагида тайёрланди.
Ўзбекистонда махсус стикер билан белгиланган расмий HP маҳсулотларини сотиб олинг.
Реклама ҳуқуқи асосида.
Изоҳ (0)