Hozirda ishbilarmon odamni nimasiz tasavvur qilib bo‘lmaydi?
Albatta, noutbuksiz.
Bu gadjet ish uchun mo‘ljallangan, internet mavjud bo‘lsa, bo‘sh vaqtlarda u orqali suhbat qurish, musiqa tinglash va film tomosha qilish mumkin.
Ammo haligacha ko‘pchilik insonlar sifatli noutbukning narxi qimmat deb o‘ylashadi.
Keling, bu fikr qanchalik to‘g‘riligini tekshirib ko‘ramiz.
Xariddan oldin...
Biznesga mo‘ljallangan noutbuk – bu yuqori ish samaradorligiga ega bo‘lgan ixcham va ishonchli “beminnat yordamchi”dir. Bunday noutbukni tanlashda siz uchun optimal bo‘lgan narxdan tashqari yana quyidagilarga ham e’tibor qaratish zarurdir:
Yaxshi texnik xususiyatlar
Operativ xotira hajmi 4-6 GBdan kam bo‘lmasligi kerak, protsessor esa 8 avloddagi Intel Core i5 yoki i7 turkumida bo‘lishi maqsadga muvofiqdir. Agar siz dizayner yoki geymer bo‘lmasangiz, kuchli videokarta singari parametrlar muhim ahamiyat kasb etmaydi, chunki ular qurilma narxining qimmatlashishiga sabab bo‘ladi.
Ekran o‘lchami
Optimal o‘lcham: 12,5-14 dyuym orasida. Juda kichkina yoki katta o‘lchamdagi ekranlarni tanlash bu borada biroz noto‘g‘ri. “Oltin o‘rtalik”ni tanlagan ma’qul.
Mobillik
Noutbukda yo‘l, qahvaxona yoki majlislar kabi tashqi sharoitlarda ham ishlash qulay bo‘lishi uchun uning ixchamrog‘ini tanlaganingiz yaxshi.
Yangilash va ta’mirlash imkoniyati
O‘zingizga ma’qul leptopni tanlaganingizdan so‘ng, uning kelgusi apgreydi va servis xizmati haqida bosh qotirish kerak.
Yengilroq, yupqaroq va arzonroq
HP kompaniyasi noutbuklar sotuvi borasida jahonda birinchi o‘rinni egallaydi. Buning siri oddiy – har bir segmentdagi xaridorlar uchun kompaniya qo‘yilgan vazifalarni yanada samaraliroq bajaradigan tor yo‘nalishdagi noutbuklar qatorini ishlab chiqqan.
Quyida taqdim qilingan modellarning barchasi tushunishga oson bo‘lib, ulardan ham biznes sohasi vakili, ham oddiy maktab o‘quvchisi foydanishi mumkin. Buning ustiga yoqimli bonus ham mavjud: HP noutbuklari muntazam yangilanib turadi. Ular yanada yengil, yupqa va arzon bo‘ldi.
HP 200 seriyasi
Bu seriya ofis ishiga mo‘ljallangan zamonaviy va ishonchli yordamchi bo‘lib, biznesga oid kundalik vazifalarni oson bajarishi mumkin. Mazkur seriyada 4 GB operativ xotira va 500 GB/1TB sig‘imli qattiq diskka ega bo‘lgan hamyonbop modellar o‘rin olgan.
Yuqori mustahkamlik darajasiga ega plastikdan ishlangan va qo‘l izlarini o‘zida qoldirmaydigan korpus sizga yoqishi shubhasiz.
Agar siz yuqori ish samaradorligi va bir vaqtning o‘zida zamonaviy dizaynga ega leptop izlayotgan bo‘lsangiz, unda ProBook 400 seriyasiga e’tibor qarating.
Takomillashgan xususiyatlar va xavfsizlik funksiyalari bilan kuchaytirilgan ushbu yupqa noutbuklar yoshroq xaridorlar doirasi uchun maxsus ishlab chiqilgan. Modellardan birining vazni atigi 1,5 kg. Korpus rangi ham noodatiy, ammo yoshlarga yoqadigan kumush rangda. Bu ham kichik biznes uchun qimmat bo‘lmagan yechim hisoblanadi.
16 GBgacha bo‘lgan operativ xotira yuqori ish samaradorligini ta’minlaydi. Konfiguratsiyaga qarab qurilmalar Celeron yoki Intel Core protsessorlari bilan jihozlanishi mumkin.
ProBook 600 seriyasidagi modellar ish uchun mo‘ljallangan noutbuklar orasida ancha ommalashgan.
Bunda gap faqat a’lo sifatli texnik parametrlarda bo‘lmay, balki butlovchi qismlarning yaxshilanishida hamdir. Aynan mana shu xususiyat bilan u yuqoridagi modellardan farqlanadi.
MIL-STD 810G standartiga moslik va 120 000 soatli sinovlar zarbalarga chidamlilik va deyarli har qanday sharoitda ishlash imkoniyati bilan ta’minlaydi. Uzoq yillar xizmat qilishga mo‘ljallangan mazkur noutbuklar kundalik faol foydalanish uchun maxsus loyihalashtirilgan.
Hashamdor HP
Agar ProBook’lardan barcha bemalol foydalana olsa, biz quyida sizga ma’lumot beradigan Elite Book seriyasidagi barcha modellar aynan biznesga mo‘ljallangan. Ular yanada ishonchli, yanada sifatli va yanada hashamdordir. Foydalanuvchilar forumlarda bu seriya haqida shunday deb yozishadi: “Bular mutlaqo shovqinsiz modellardir”, “ancha tezkor”, “o‘lmas akkumulyator”, “kamchiliklarni ko‘rmadim”.
Ushbu seriyalarni muhim bir jihat, ya’ni ularning harbiy standartlarga yaqin tarzda ishlab chiqarilgani birlashtirib turadi – noutbukni yog‘och polga tushirib yuborsangiz ham unga hech narsa qilmaydi, albatta, biz bunday qilishni sizga maslahat bermagan bo‘lardik.
Elite Book 800 seriyasi
Ushbu seriyadagi modellar HP yaratgan noutbuklar orasida eng xavfsiz va oson boshqariladigan gadjetlar hisoblanadi. O‘ta yorqin displey va zamonaviy dizayn foydalanuvchilarga yoqishi turgan gap.
Haddan ortiq yupqa bo‘lgan mazkur leptoplarning kuchli jihatlariga yuqori ish samaradorligiga ega protsessor (har xil modellarda bular: Intel® Core i5-7200U /i5-8250U/i7-8550U), 16 Gbgacha bo‘lgan operativ xotira, shuningdek, ushbu seriyadagi har bitta noutbuk ekrani 4 xil versiyada bo‘lishi mumkin (yoki miltillashga qarshi displey qoplamini hisobga olsak, bu son 6 tagacha ortishi mumkin).
EliteBook 1000 seriyasi - zo‘r variant
Bu seriya yuqori ish samaradorligiga ega bo‘lib, o‘zida saqlanayotgan ma’lumotlarning ishonchli himoyasini ta’minlaydi. Bu qo‘shimcha tarzdagi eksklyuziv dizayn ham ko‘pchilikning ko‘zini quvontiradi.
Va nihoyat HP javohiri – bag‘oyatda yupqa EliteBook Folio ultrabuklari. Qo‘lda tanlab chiqilgan materiallar hamda korporativ faoliyat uchun optimallashtirilgan premium funksiyalar tufayli ushbu noutbuk qoyilmaqom ishni qadriga yetadiganlar uchun ideal tanlov bo‘la oladi.
Siz qaysi modelni tanlashingizdan qat’iy nazar, siz kafolatlangan tarzda optimal narxda sifatli mahsulotni qo‘lga kiritasiz. HP texnikasini uning ishonchliligi sababli butun dunyoda qadrlashadi. Hewlett-Packard zavodlaridagi sifat nazorati qattiy nazorat qilinadi, shuning uchun ushbu brend noutbuklari sizga uzoq yillar davomida xizmat qilishiga aslo shubha qilmasangiz ham bo‘ladi.
Material O‘zbekistondagi IT-distribyutor - CA Distribution Company MChJ ko‘magida tayyorlandi.
O‘zbekistonda maxsus stiker bilan belgilangan rasmiy HP mahsulotlarini sotib oling.
Reklama huquqi asosida.
Izoh (0)