Энг зўр ва ҳамманинг диққат марказида бўлган лойиҳани яратиш доимо ўзгаришлар, миш-мишлар ва муайян ҳодисалар ва фактларни нотўғри талқин қилиш билан бирга келади ... Бироқ, амалиётнинг кўрсатишича, бу гап-сўзлар олдинга қўйилган устувор вазифани амалга ошириш жараёнига таъсир кўрсатмайди.
Шаҳар қурилиши давом этмоқда, бинолар барпо этиляпти, соҳа мутахассислари хорижлик ҳамкасблари билан тажриба алмашишмоқда, иқтисодиётда маҳаллий ва хорижий инвестициялар оқими тобора жадаллашиб бормоқда.
2019 йил бошланди. Tashkent City XIМ қурилишининг иккинчи босқичида амалга оширилиши кўзда тутилган лойиҳаларни бажаришга киришилди. Ва бу оддий кўринган тупроқ ишлари эмас, балки аниқ ҳисоб-китоблар, IT-технологияларининг имкониятларидан фойдаланган ҳолда ишлаб чиқилган лойиҳа саналади.
200 метрли, осмонўпар бинони шунчаки қуриб, ишга тушириш мумкин эмас. Биринчидан, зарур бўлса, хорижий экспертларни жалб қилган ҳолда, тупроқнинг барча қатламларини батафсил таҳлил қилиш керак. Масалан, баланд биноларни қуришда тажрибага эга мутахассисларни ишга жалб қилиш, бундан ташқари, бозор шароитида ҳар қандай кенг кўламли қурилиш аввало батафсил иқтисодий ҳисоб-китоб билан белгиланади. Қандай қилиб инвестор учун жозибадор ва фойдаланувчилар учун энг самарали бўлади? Бу — маҳаллий ва халқаро тажрибани таҳлил қилиб, таққослаб, батафсил ўрганишни талаб қилади.
Бугунги кунга қадар, 4-Лот ҳудудида « Universal Packing master»,«Murad buildings» бренди остида халқаро ва маҳаллий стандартларга мувофиқ тупроқни геологик ўрганиш ишларини якунлади. Бош лойиҳачи — Сингапурнинг «DP Architects» компанияси уларни амалга ошириш параметрларини берди: қудуқларнинг сони, жойи ва чуқурлиги. Ушбу вазифани амалга оширишни Туркиянинг «Zetaş» ширкати қабул қилди.
Энг янги геологик технологиялардан фойдаланган ҳолда, тупроқнинг таркиби 65-100 метргача чуқурликда ўрганилди. Тадқиқотлар халқаро стандартларга (ASTM, EUROCODE 7, ISO), хусусан, статик фарқ (SPT), намуна (CPT) томонидан динамик бурғилаш, кўндаланг тўлқинларнинг тезлигини ўлчаш (PS-Logging) бўйича амалга оширилди. Ушбу кўрсаткичлар қурилиш майдончасида тупроқнинг геологик формуласини (зичлик, намлик,босим, ҳарорат, электр қаршилиги ва бошқаларни) яратиш учун зарур.
Энди қурилиш жойи хусусида маълумотлар мавжуд. Мутахассислар меъморий концепцияга тегишли ўзгартиришлар киритиш мумкин. Қурилишнинг ривожланиш лойиҳалари, қозиқларни ўрнатиш, шунингдек, тупроқни мустаҳкамлаш ва пойдевор қурилиши бўйича ишлар белгилаб олинади.
Ҳозирги кунда«Ўзбекистон» метро бекатидан Олмазор кўчаси ва Ислом Каримов автомагистралининг кесишмасидаги ер ости чиқиш йўлини вақтинча ёпиш ва бу ерда ер усти ўтиш йўлини ташкил этиш бўйича тайёргарлик ишлари бошлаб юборилди.
Пиёдалар хавфсизлигини таъминлаш учун қурилиш майдончасининг бурчагида 300 метр масофагача ёпиқ майдонни қуриш режалаштирилган. Шу билан бирга, Ислом Каримов проспектидаги ярим асрлик дарахтларга қурилиш жараёнларининг таъсирини камайтириш бўйича зарур чора-тадбирлар кўрилмоқда.
Архитекторлар янги маълумотларни ҳисобга олган ҳолда ўз режасини ишлаб чиққанидан сўнг, қурувчилар котлаван қазиб, тупроқни мустаҳкамлаш ишларини бошлашади.
Янада кўпроқ янгилик ва маълумотларга эга бўлишни истасангиз Tashkent City’нинг Facebook, Instagram ва Telegram-каналидаги расмий саҳифаларидан олишингиз мумкин. Ушбу саҳифаларимизга аъзо бўлинг ва энг сўнги янгиликлардан биринчи бўлиб хабардор бўлинг!
Реклама ҳуқуқи асосида.
Изоҳ (0)