«Дарё» таҳририятига Хоразм вилояти Урганч шаҳрида яшовчи Севара Матниёзова мурожаат қилди. Унинг 6 ёшли фарзанди Элшан Матниёзов оғир дардга чалинган.
«2016 йил эди. Оғлимнинг иссиғи тинмай чиқарди. 40 даражадан пастга тушмасди. Бўйнининг ўнг тарафида шишлар бор эди. Шишлар кундан-кунга катталашарди. Шифохонага олиб бордик. Бола уч ой антибиотик олди. Умуман фойдаси бўлмади. Кейин Урганч шаҳар онкологик шифохонасига олиб бордик. У ерда ўғлимни операция қилишди. Шундан кейин у 6 курс кимёвий терапия муолажаларини олди. Аҳволи яхшиланмади. Шундан кейин Ҳиндистонга олиб бордик. У ерда қайта операция қилишди. Ўзбекистонга қайтганимиздан сўнг яна бир курс кимёвий терапия олдик.
2017 йилнинг ноябрь ойида Россиянинг Санкт- Петербург шаҳридаги онкология шифохонасига олиб бордик. У ердагилар ҳар олти ойда даволаниб туришимизни айтишди. Ўғлим ҳар ойда Хоразмдаги гематология ва онкология шифохоналарида даволанади», — деб ҳикоя қилади Элшаннинг онаси.
Ҳозирда боланинг чап томонида ҳам шишлар пайдо бўлган. Унинг ота-онаси ажрашган, болага ёлғиз онанинг ўзи ғамхўрлик қилмоқда.
«Бундан аввал уч ўғлимни бериб қўйганман. Элшан менинг ягона фарзандим, маълум сабабларга кўра бошқа фарзандли бўла олмайман. Ёлғиз фарзандимдан айрилишни истамайман. Уни яна Ҳиндистонга олиб бориб даволатишим керак, бироқ пулим йўқлиги сабаб қўлим калталик қилмоқда. Боламнинг иммунитети пастлиги сабабли ҳозирда унга сувчечак тошиб, иситмалаяпти», — дейди кўзларида ёш билан муштипар она.
Азиз, саховатпеша юртдошлар! Бир муштипар аёлнинг ёлғиз фарзанди ҳаётини сақлаб қолишга биргаликда ҳисса қўшайлик!
Хайрия қилиш учун маълумотлар:
МФО: 00548.
ИНН: 200905229
Click: 8600 0423 1192 0283
Нақд пул топширганда:
23116000900000548001.
Мижоз аризасига асосан картадан картага пул ўтказиш: 23118000700000548001.
Бошқа ташкилотлардан келиб тушган маблағлар учун транзит: 23120000300000548001
Севара Матниёзованинг телефон рақами: 91 424 02 43
Изоҳ (0)