Тошкент шаҳар божхона бошқармаси ходимлари Бектемир туманида икки нафар фуқарони 15 кг симобни сотаётган вақтида қўлга олди. Бу ҳақда ЎзА хабар бермоқда.
Симоб ниҳоятда заҳарли моддалар қаторига киради. Айниқса, унинг очиқ ҳолда буғланиб ҳавода тарқалиши инсон соғлиғига жиддий зарар етказиши мумкин.
Давлат божхона қўмитаси ахборот хизматининг хабарига кўра, Тошкент шаҳар божхона бошқармаси томонидан Бектемир туманида фуқаролар Д.А. ва З.А. «шартли харидор»га 15 килограмм симобни 100 минг АҚШ долларига сотаётган вақтида қўлга олинди.
Ҳозирда мазкур ҳолат бўйича тегишли процессуал ҳужжатлар расмийлаштирилиб, текширув ҳаракатлари давом эттирилмоқда.
Изоҳ (0)