Вазирлар Маҳкамасининг қарорига асосан, эндиликда, якка тартибда уй-жой қуриш учун ер участкаларини олиш электрон аукционлар ўтказиш йўли билан амалга оширилади, дея хабар беради «Spot».
0,04 гектар ва ушбу ҳажм доирасидаги ер участкаларига мерос қилиб қолдириладиган умрбод эгалик қилиш ҳуқуқи E-ijro auksion орқали сотилади.
Ариза туман (шаҳар) ҳокимлигига берилади ҳамда комиссия томонидан ўн кунда кўриб чиқилади.
Комиссия ижобий хулоса чиқарса ҳоким ер участкаси бериш ҳақида бир кун ичида қарор қабул қилади ҳамда уч кунда ер участкаси чегаралари ўлчаб берилади.
Ер участкаларини аукцион орқали олишда, аукционлар ўтказилиши ҳақидаги хабарномалар 30 кун олдин «Электрон онлайн-аукционларни ташкил этиш маркази»нинг веб-порталига жойлаштирилади.
Аукционда иштирок этишга буюртманомалар қабул қилиш хабарнома жойлаштирилган кундан бошлаб веб-порталда автоматик тарзда бошланади ва аукционни ўтказиш кунидан икки иш куни олдин (соат 13−00 да) якунланади.
Аукцион иш куни мобайнида соат 9:00 дан 18:00 гача ўтказилади.
Бошланғич нарх сифатида аукцион объектининг минимал қийматига тенг нарх белгиланади. Аукцион ғолиби беш иш кунидан кечиктирмай ер участкасининг пулини тўлаши лозим.
Белгиланган муддатда пул тўланмаса аукцион натижаси бекор қилинади ҳамда ғолибдан кейин ер участкасининг нархи бўйича энг юқори ставкани қўйган аукцион иштирокчисига ер участкасини олиш ҳақида таклиф юборилади.
Изоҳ (0)