Олимлар ошқозoности бези саратонини тил орқали аниқлаш мумкинлигини маълум қилди
Тилдаги маълум бактерияларнинг сонидаги фарқ ошоқозoности бези саратони шаклланишининг эрта босқичида бўлган одам билан соғлом одамни фарқлашга имкон беради. Бу ҳақда Чжэнцзян университети олимлари маълум қилди, деб ёзмоқда «Газета.ru».
Дастлабки тадқиқотларнинг кўрсатишича, ошоқозoности бези саратонида беморларда микрофлоранинг ўзгаришлари кузатилиши мумкин, бироқ олимлар саратонни тилдаги бактериялар билан биринчи марта боғлади. Олимлар ошоқозoности бези саратонининг дастлабки босқичида бўлган 30 киши ва 25 нафар соғлом кишини танлаб олган.
Уларнинг ҳеч бири антибиотиклар қабул қилмаган ва оғиз микрофлорасини ўзгартириши мумкин бўлган касаллик билан оғримаган. Аниқланишича, тадиқиқотнинг соғлом ва касал иштирокчилари тилларининг микрофлорасидан олинган намуналар сезиларли фарқ қилган. Хусусан, касалланган иштирокчиларда Haemophilus ва Porphyromonas бактерияларининг камайиши, Leptotrichia ва Fusobacterium бактерияларининг кўпайиши қайд этилган.
Иштирокчилар сони кам бўлгани сабабли тадқиқотчилар натижаларнинг йирикроқ тадқиқотларда тасдиқланишига ишонмоқда. Бу тилдаги бактериялар таҳлилидан ташхис тести сифатида фойдаланишга имкон беради. Бундан ташқари, олимлар микрофлора таркиби ўзгаришининг сабабларини янада батафсил ўрганиш даволашнинг янги усулларини топишга ёрдам беришига умид қилмоқда.
