Тожикистон газ компанияси шу йилда Ўзбекистондан газ етказиб бериш ҳажмини тўрт бараварга оширишни режалаштирмоқда. Бу ҳақда Тожикистон телеграф агентлигига таяниб, Sputnik хабар қилди.
«Тожиктрансгаз» компанияси раҳбарининг биринчи ўринбосари Шавкат Шоимзоданинг сўзларига кўра, компания жорий йилда Ўзбекистондан 200 миллион куб метр табиий газ сотиб олишни режалаштирмоқда.
Шунингдек, икки давлат газ компаниялари келишувга эришиб, битим муҳокама қилинмоқда. Шундан кейин ҳужжат имзоланади.
Шоимзода ўтган йили Ўзбекистондан Тожикистонга 54 миллион куб метр газ келганлигини маълум қилди.
Шу билан бирга, ҳозирги кунда импорт қилинган газ билан йигирмадан ортиқ компаниялар таъминланмоқда. Шулар ичида Тожикистон алюминий компанияси ва Душанбе иссиқлик электр станцияси, истеъмолчилар сони эса ҳар ойда кўпаймоқда.
Эслатиб ўтамиз, ўтган йилнинг июль ойида Шоимзода сотиб олинадиган газ ҳажми истеъмолчилар сонига боғлиқлиги ва 2018 йил иккинчи чорагида импорт ҳажми кескин ортиб 3,5 миллион куб метрни ташкил қилганлигини айтганди.
Табиий газнинг асосий истеъмолчиси – «Талко» алюминий компанияси ҳисобланади.
Изоҳ (0)