Жоржия штатида яшовчи Линдси Прайсс исмли аёл ўғлининг 6500 доллар беркитилган болалар йўл кружкасини қайтаришга ҳаракат қилмоқда, деб ёзади ForumDaily.
Маълум бўлишича, унинг 27 ёшли ўғли машина сотишидан тушган 6,5 минг доллар пулни болалик пайтида фойдаланган «Микки Маус»ли севимли кружкасига беркитиб қўйган.
Аёл уни билмасдан Goodwill дўконига совға қилиб юборган. Ўғли унинг ичида пул беркитиб қўйганлигини айтган. Хато қилганини тушунган она дарҳол дўконга қўнғироқ қилган.
Кузатув камераларида ёзилган бир неча соатлик видеони кўрган менежерлар дўкон ишчилари кружкани аввал қутига жойлаб, кейин савдо растасига қўйишганини аниқлаган. Тахминларга кўра, кружка аллақачон сотиб юборилган.
«Агар уни қайтаришса биз жуда миннатдор бўлар эдик. Илтимос, яхшилик қилиб, кружкани қайтариб беринг», — дейди аёл.
Улар ичида беркитилган пуллар билан кружкани қайтарган одамга пул мукофоти ваъда қилган.
Изоҳ (0)