Британиянинг The Daily Telegraph нашри Мелания Трампдан у ҳақида тарқатган ёлғон маълумотлари учун узр сўраб, унга бадал пули тўлаган, дея хабар беради «ForumDaily Woman».
The Daily Telegraph «Меланиянинг сирлари» мақоласида чоп этиш лозим бўлмаган хато маълумотлар борлигини тан олган.
«Трамп хонимнинг отаси мақолада кўрсатилгани каби оиласига жуда қаттиққўл ва қўрқув уйғотадиган инсон бўлмаган. Мелания университетдаги дизайн ва архитектура курсини имтиҳонлардаги қийинчиликлар сабаб эмас, шунчаки фаолиятини профессионал модель сифатида давом эттирмоқчи бўлгани сабаб ташлаган. Мелания моделлик фаолиятидаги мувафаққиятларга Трампдан олдин ҳам эришган бўлган», — дейилади раддияда.
Мақола Америкалик журналист Нина Берлининг Трамп аёлларининг тарихи ҳақидаги ҳикоялари асосида ёзилган.
«Биз Трамп хоним турмуш ўртоғини учратишдан олдин ҳам омадли модель бўлганлигини биламиз. Шунингдек, мақолада Трамп хонимнинг ота-онаси ва синглиси Нью-Йоркка 2005 йилда Трампга тегишли биноларда яшаши учун кўчиб ўтилган дейилгани учун ҳам узр сўраймиз. Аслида ундай эмас. Трамп хонимнинг сайлов куни тунда йиғлаб чиққани ҳақидаги маълумотлар ҳам хато берилган. Биз биринчи хоним ва унинг оиласидан сўзсиз узр сўраймиз. Афсусимиз белгиси сифатида биз Трамп хонимга етказилган маънавий зарар учун товон тўлашга тайёрмиз», — дейилади раддияда.
Изоҳ (0)