28 январнинг эътиборга молик хабарлари — «Дарё» дайжестида.
Ўзбекистон ҳукумати таркибида бир қатор тайинловлар амалга оширилди.
Хусусан, Ўзбекистон Республикаси Президенти маслаҳатчиси ўринбосари Элёр Ғаниев Бош вазирнинг инвестициялар ва ташқи иқтисодий алоқалар масалалари бўйича ўринбосари этиб тайинланди.
«Ўзчармсаноат» уюшмаси раиси лавозимида фаолият юритган Умурзоқов Сардор Ўзбекистон инвестициялар ва ташқи савдо вазири этиб тайинланди.
Бош вазир ўринбосари — Ташқи савдо фаолияти, экспорт салоҳияти, машинасозлик, автомобиль ва электротехника саноатини ривожлантириш, маҳсулотларни стандартлаштириш масалалари комплекси раҳбари Нодир Отажонов Президент маслаҳатчиси ўринбосари этиб тайинланди.
Ташқи савдо вазири сифатида ишлаб келган Жамшид Хўжаев энди Қишлоқ хўжалиги вазири сифатида фаолият олиб боради.
Шунингдек, Ўзбекистон Республикаси инвестициялар ва ташқи савдо вазири ўринбосарлари тайинланди.
***
Чироқчида туғилган 3 эгизакка Шавкат, Миромон, Мирзиё деб исм қўйилди.
Чироқчи туманининг Қўрғонтепа қишлоғида тарих фани ўқитувчи Шерзод Дўстумродов оиласида дунёга келган 3 нафар эгизак фарзандларга давлат раҳбарига ҳавас қилиб Шавкат, Миромон ва Мирзиё деб исм қўйилди.
***
Самарқандлик аёл маст ҳолатдаги эрини уриб-тепиб ўлдирди.
Э.Ў.нинг бирга яшовчи, турмуш ўртоғи, уй бекаси У.Ў. уйида ўзаро жанжал сабаб маст ҳолда бўлган Э.Ў.нинг юзига шиша идиш билан танасининг турли жойларига уриб-тепиб жароҳат етказган.
***
Бразилиялик футбол юлдузи Роберто Карлос Тошкентга келди.
У футболчилар учун ЎФА майдонида мастер-класс ўтиб берди. Кейин шу ернинг ўзида фахрий футболчилар иштирокида ўртоқлик ўйинида қатнашди. А.П.Хлебушкина номидаги Меҳрибонлик уйига ташриф буюриб, у ердаги тарбияланувчилар билан учрашди. Соат 16:00 да эса Миллий олимпия қўмитасида Роберто Карлос билан матбуот анжумани ташкил этилди.
***
14 та хорижий авиакомпания Ўзбекистон бозорига қизиқиш билдирмоқда.
«Ҳозирда Ўзбекистон бозорига 14 та турли компания қизиқиш билдирмоқда. Улар фақат лоукостерлар эмас. Ораларида KLM (Нидерландия), Lufthansa (Германия), Lion Air (Индонезия) ва бошқа авиакомпаниялар бор», деди Туризмни ривожлантириш қўмитаси раисининг биринчи ўринбосари вазифасини бажарувчи Улуғбек Қосимхўжаев.
Изоҳ (0)