Фарғонада вилоят ҳамда шаҳар-туман Халқ қабулхоналарига замонавий хизмат автомашиналари топширилди. Бу ҳақда «Дарё» мухбири Азизжон Эрматов хабар бермоқда.
Тадбирда Фарғона вилояти ҳокимининг биринчи ўринбосари Акмалхон Ортиқов, вилоят Халқ қабулхонаси мудири Робияхон Маҳмудова, Давлат хизматлари агентлиги вилоят бошқармаси бошлиғи Раъно Бойқўзиева, прокуратура, ички ишлар ҳамда солиқ идоралари ходимлари қатнашди.
Вилоятда айни пайтда 4 та шаҳар ва 15 та туман Халқ қабулхонаси аҳолига хизмат кўрсатмоқда. Ўтган давр давомида уларнинг моддий-техник базасини мустаҳкамлаш мақсадида бир қатор ишлар амалга оширилди.
— Аҳоли муаммолари билан ишлаш тизимини янада такомиллаштириш чора-тадбирлари тўғрисидаги Президент фармони билан Халқ қабулхоналарига қўшимча ҳуқуқ ва вазифалар юкланди, — дейди вилоят Халқ қабулхонаси мудири Робияхон Маҳмудова. — 2019 йил 1 февралдан Халқ қабулхоналари муаммоларни уйма-уй юриш орқали аниқлайди ва ҳал қилади. Замонавий хизмат автомашиналари чекка қишлоқларда ҳам аҳолига сифатли хизмат кўрсатиш имконини беради.
Изоҳ (0)