Бухоро вилояти Қоракўл тумани «Қоракўл» наслчилик масъулияти чекланган жамияти ҳудудида 10 дона қудуқлар капитал таъмирланиб, сув тортадиган насослар ўрнатилди. Бу ҳақда Давергеодезкадастр қўмитаси матбуот хизмати хабар берди.
Насослар БМТнинг Тараққиёт Дастури, Глобал экологик жамғарма ва Давергеодезкадастр қўмитаси билан ҳамкорликда амалга оширилаётган «Ўзбекистоннинг тоғли, ярим чўл ва чўл ландшафтларида суғорилмайдиган қурғоқчил ерларни рақобатли эксплуатация қилиниши натижасида табиий ресурслардан фойдаланиш босимини камайтириш» лойиҳаси маблағлари ҳисобидан ўрнатилган.
Чўпонлар энди сув насоси ёрдамида 15 дақиқада темир ҳовузни тўлдириш, заҳира учун сув сақлаш, темир лотокда қўй-эчкиларни суғориш имкониятига эга бўлди.
Қудуқларнинг сув келадиган қувурларига зулпин-жумракларни ўрнатилиши сувни бекорга оқиб ётишини олдини олиш, сувдан самарали ва тежаб фойдаланишни таъминламоқда.
Қудуқларни капитал таъмирланиши ҳар бир ҳудудда қўшимча равишда салкам минг гектар атрофидаги яйлов ерларида қўй-эчкиларни боқиш имконияти яратди.
Изоҳ (0)