Самарқанддаги машҳур аквапарк демонтаж қилинмоқда

Самарқанд аквапарк демонтаж қилинмоқда. Ушбу комплекс демонтаж қилиш бошланганидан кейин аҳоли ўртасида турли гап-сўзлар тарқалган. Бу ҳақда Facebook’да маълум қилинди.

Айримлар унинг янги қурилаётган уйлар ихтиёрига ўтишини айтса, айримлар комплекс яқинида қурилаётган меҳмонхонага берилишини таъкидлаган.

«Шарқ саноат» иш бошқарувчиси Бахтиёр Назриев бунга аниқлик киритди.

«Аквапарк бузиб ташланмайди, аксинча, жорий йилда халқаро стандартларга жавоб берувчи янги кўринишда тақдим этилади. Бассейн авкаторияси кенгайтирилиб, болалар чўмилиши учун жой бўлади. Ҳозирда замонавий аттракционлар буюрта қилинган бўлиб, шинам ёзги кафелар ҳам қурилади», — дейди Бахтиёр Назриев.

Шунингдек, аквапарк реконструкциясида санитар-гигиена меъёрларига амал қилишига алоҳида эътибор қаратилишини, сувни тозаловчи энг замонавий тизим ўрнатилиши ва бассейнлар сувнинг «гуллашига» йўл қўймайдиган махсус плиталар билан қопланишини айтган.

Аквапак реконструкцияси ва замонавий дам олиш маскани лойиҳасига умумий қийматда ўртача бир миллион доллар инвестиция киритилади.