Нью-Йорк марказидаги осмонўпарда жойлашган пентхаус АҚШ тарихидаги рекорд сумма — 238 миллион долларга сотилди. Бу ҳақда «Корреспондент.net» хабар бермоқда.
Қурилиши якунламаган 79 қаватли бинодаги апартаментларнинг майдони 2230 квадрат метрдан иборат. Уни АҚШдаги йирик инвестиция фондларидан бирининг асосчиси, миллиардер Кен Гриффин сотиб олди.
АҚШдаги кўчмас мулк билан боғлиқ аввалги рекорд Барри Розенстайнга тегишли эди. У Лонг-Айленд оролида, Ист-Хэмптонда жойлашган уйни 2014 йилда 137 миллион долларга харид қилган.
Изоҳ (0)