Ҳаракатлари ядро уруши ва иқлим таҳдиди хавфи даражасини акс эттирадиган Қиёмат кунининг рамзий соатлари ўқлари аввалги кўрсаткичда қолдирилган, дея хабар беради «РИА Новости».
Ҳозир уларда икки дақиқа кам ярим тунни кўрсатмоқда.
Қабул қилинган қарор барқарорлик белгиси эмас, балки бутун дунё учун жиддий огоҳлантиришдир.
Чикаго университетининг The Bulletin of the Atomic Scientists лойиҳаси муаллифлари мутахассисларнинг фикрича, қиёмат куни соати 1953 йилда одамларнинг совуқ урушдан қўрқуви энг юқори даражаси каби, ярим тунга яқин.
Шу билан бирга, агар дунё раҳбарлари ижобий ўзгаришлар қилишга ҳаракат қилса, вазият яхшиланиши мумкин.
Қиёмат куни соатлари
Қиёмат куни соатлари 1947 йилда The Bulletin of the Atomic Scientists нашри муқовасида пайдо бўлган.
Ярим тунгача қолган вақт халқаро вазиятнинг кескинлигидан далолат беради. Ярим туннинг ўзи эса ядровий ҳалокат белгисидир.
Соатни ўтказиш тўғрисидаги қарорни журнал раҳбарлари кенгаши ҳамда орасида 18 нафар Нобель мукофоти совриндорлари бўлган экспертлар қабул қилади. Сўнгги йилларда ўқлар фақат олдинга сурилган.
70 йил давомида соатлардаги вақт 23 марта ўзгарган. Совуқ уруш тугаганидан сўнг соат сурилган энг узоқ муддат 1991 йилда 17 дақиқа бўлган.
Ўтган йили АҚШ ва КХДР ўртасидаги муносабатлар ёмонлашгани боис, соат ўқи 30 сонияга сурилган. Соат 1953 йилда водород бомбасининг биринчи синовидан сўнг ярим тунга бунақа яқин келмаган.
Изоҳ (0)