Бутунжаҳон соғлиқни сақлаш ташкилоти Хитойда тарқалган янги коронавирус юзага келтираётган пневмония сабаб халқаро аҳамиятдаги фавқулодда вазиятни эълон қилишга ҳали эрта деб топди. Бу ҳақда ташкилот бош директори Тедрос Адханом Гебреесусга таяниб, Meduza хабар берди.
«Бу Хитой учун фавқулодда ҳолат, бироқ ҳали глобал кўламдаги фавқулоддаги вазиятга айланмади», — дейди Тедрос. Унинг таъкидлашича, ҳозирда вирус билан касалланганлар сони 584 нафарни, вафот этганлар эса 17 кишини ташкил этмоқда. Шундан вирус билан касалланганларнинг 575 нафари ва ҳалок бўлганларнинг барчаси Хитойда.
Тедроснинг таъкидлашича, янги турдаги вирус ўзига юқтириб олганларнинг чорак қисмида оғир касалликни келтириб чиқарган; вафот этганларнинг аксарияти гипертония, диабет ёки юрак-қон касалликларидан азият чеккан.
«Бизга ҳали кўп нарса маълум эмас. Вируснинг манбаси нима эканлигини, у қанчалик осон тарқалишини, клиник аҳамияти ёки оғирлилик даражасини билмаймиз», — дейди Халқаро соғлиқни сақлаш ташкилоти раҳбари.
Мавзуга доир:
Изоҳ (0)