«Роскосмос» давлат корпорацияси аёл космонавтларнинг отрядини ташкил қилади, дея хабар беради «Meduza».
Отрядга номзодлар ракета ва космик соҳада фаолият юритадиган ёш мутахассис аёллар орасидан танлаб олинади.
Космонавт аёлларни Ер орбитасига ҳамда «бўлғуси ой миссиялари» учун тайёрлашади. Шунингдек «Роскосмос» скафандрни ҳам аёлларга мослаб модификация қилади.
Айни дамда «Роскосмос» космонавтлар отрядида фақат бир нафар аёл бор — космонавт-синовчи Анна Кикина. У бирор марта ҳам парвоз қилмаган.
Ҳозирда Россия томонидан Космосга юборилган аёллар сони тўрт нафарни ташкил қилади, NASA’да эса — 50.
Изоҳ (0)