2019 йилнинг 17 январь куни Тошкент шаҳар Яшнобод туман Ички ишлар бошқармасига фирибгарлик жинояти билан боғлиқ ҳужжатлар тўплами келиб тушди. Бу ҳақда ИИВ Жамоатчилик ва оммавий ахборот воситалари билан алоқалар бошқармаси хабар берди.
Маълум бўлишича, 2018 йилнинг 18 май куни Тошкент вилояти Зангиота тумани Ҳамза кўчасида яшовчи У.З. Яшнобод туманида яшовчи Р.Х.га тадбиркорлик билан шуғулланишни таклиф қилган.Кейинроқ у Р.Х.га «Самира Зиё Нур» МЧЖ таъсисчилари таркибига киритилганлиги ҳақида қалбаки маълумотномани кўрсатиш орқали ундан 35 500 доллар олиб, пулларни ўз эҳтиёжлари йўлида ишлатиб юборган.Ҳолат юзасидан жиноят иши қўзғатилиб, У.З. қўлга олинган. Тергов ҳаракатлари олиб борилмоқда.
Изоҳ (0)