Вазирлар Маҳкамасининг қарорига биноан Азимжон Ражапович Юсупов Республика Маънавият ва маърифат маркази раҳбарининг маънавий-маърифий тарғибот ишларини ташкил этиш ва мувофиқлаштириш бўйича ўринбосари этиб тайинланди. Бу ҳақда «ЎзА» хабар берди.
Ўзбекистон Республикаси Президентининг қарорига асосан Марказ раҳбарининг биринчи ўринбосари ва ўринбосари — тегишли равишда вазирнинг биринчи ўринбосари ва ўринбосарига тенглаштирилган.
Эслатиб ўтамиз, миллий маънавиятнинг маъно-моҳияти, илдизлари, ноёб ва бетакрор намуналари, унинг бугунги кундаги ривожланиш тамойиллари ҳақида аниқ мақсадга қаратилган изчил, таъсирли ва замонавий усул ва воситалардан фойдаланган ҳолда тарғибот ишларини олиб бориш Республика Маънавият ва маърифат марказининг асосий мақсади ҳисобланади.
Изоҳ (0)