2019 йил 15 январь куни Германияда Туризмни ривожлантириш давлат қўмитаси раиси в.б. Абдулазиз Оққулов ва Allianz Selbständiger Reiseunternehmer (ASR) (Мустақил сайёҳлик компаниялари иттифоқи) президенти Жочен Сзеч ўртасида учрашув бўлиб ўтди. Бу ҳақда Spot хабар берди.
Хабарга кўра, учрашувда Ўзбекистон туризм салоҳияти билан танишиш мақсадида ташриф буюрадиган туроператорлар рўйхатини тузиш ва ташриф чоғида икки томонлама ҳамкорликни йўлга қўйиш мақсадида Ўзбекистон туроператорлари билан b2b учрашувлари ўтказилиши ҳақида келишувга эришилди.
Германия Федератив Республикасидаги Мустақил сайёҳлик компаниялари Иттифоқи таркибига ҳозирги кунда 500 дан ортиқ (200 та туроператорлар, 200 та саёҳат агентликлари ва 100 та медиа ташкилотлари ва бошқалар) меҳмонхона бизнеси ва авиақатновларни амалга оширадиган компаниялар аъзо ҳисобланади.
Изоҳ (0)