Қорақалпоғистон Республикаси давлат солиқ бошқармаси томонидан айланмаси (тушуми) 1 миллиард сўмдан ошган ёки йил давомида белгиланган чегаравий миқдорга етган корхоналарни умумбелгиланган солиқларни тўлашга ўтказиш яъни ҚҚС тўловчиси сифатида рўйхатдан ўтказиш ишлари давом этмоқда. Бу ҳақда Қорақалпоғистон Республикаси давлат солиқ бошқармаси Жамоатчилик билан алоқалар ва ҳуқуқий ахборот шўъбаси хабар берди.
Ўзбекистон Республикаси Солиқ кодексининг 23-моддасига асосан 2019 йилнинг 1 январидан бошлаб умумбелгиланган солиқ тартибидаги солиқларни тўловчи корхоналар томонидан юридик шахслардан олинадиган фойда солиғи, жисмоний шахслардан олинадиган даромад солиғи,қўшилган қиймат солиғи, аксиз солиғи, ер қаъридан фойдаланувчилар учун солиқлар ва махсус тўловлар, сув ресурсларидан фойдаланганлик учун солиқ, мол-мулк солиғи ва ер солиқларини тўлаши шарт эканлиги белгилаб қўйилди.
Солиқ тўловчиларни умумбелгиланган солиқларни тўлашга ўтишида қулайликлар яратиш мақсадида 1 январдан икки йил муддатга ялпи тушуми 3 миллиард сўмдан ошмаган юридик шахслар учун қўшилган қиймат солиғини ҳисоблаб чиқариш ва тўлашнинг соддалаштирилган тартиби жорий этилди.
Қўшилган қиймат солиғини ҳисоблаб чиқариш ва тўлашнинг соддалаштирилган тартибига ўтиш учун солиқ тўловчилар солиқ бўйича ҳисобга олиш жойидаги давлат солиқ хизмати органига ялпи тушуми 2018 йил якунлари бўйича 1 миллиард сўмдан ошган солиқ тўловчилар жорий йилнинг 1 февралига қадар ялпи тушуми 1 миллиард сўмдан ошган солиқ тўловчилар кейинги ойининг 15-санасидан кечиктирмасдан хабарномалар тақдим этишлари лозим.
Қорақалпоғистон Республикаси бўйича жорий йилнинг 1 январь ҳолатига 254 та корхоналар томонидан умумбелгиланган солиқ турларини тўлаб келган бўлса, жорий этилган янги солиқ ислоҳотлари билан жорий йилнинг 1 январидан бошлаб 677 та корхоналар қўшилган қиймат солиғи тўловчилари сифатида рўйхатдан ўтказилиб, уларга махсус гувоҳномалар тарқатилди.
Бундан ташқари, солиқ органларидаги мавжуд маълумотлар таҳлилига кўра, 2018 йил якунлари бўйича товар айланмаси 1 миллиард сўмдан ошган қўшилган қиймат солиғи тўловчиси сифатида 502 та корхона рўйхатдан ўтгазилган бўлиб, қолган хўжалик юритувчи субъектларга ҳуқуқий маслаҳатлар бериб, рўйхатга олиш ишлари давом этмоқда.
Изоҳ (0)