2019 йилнинг январида Ўзбекистон истеъмолчилар ҳуқуқларини ҳимоя қилиш жамиятлари федерацияси ва Тожикистон истеъмолчилар иттифоқи ўз мамлакатлари фуқароларига ўзаро ҳуқуқий ёрдам кўрсатишга келишиб олди. Бу ҳақда ASIA-Plus хабар берди.
Ушбу келишувга 2018 йилнинг апрелида томонларнинг имзолаган ҳамкорлик тўғрисидаги Меморандуми доирасида эришилди.
Энди Ўзбекистонда ишлаётган, ўқиётган ёки шунчаки ташриф буюрган Тожикистон фуқаролари ўзларининг истеъмолчи сифатида ҳуқуқи бузилган ҳолда Ўзбекистон истеъмолчилар ҳуқуқларини ҳимоя қилиш жамиятлари федерациясига «1091» Ишонч телефонлари орқали мурожаат қилиши мумкин.
Худди шундай Тожикистонда бўлиб турган Ўзбекистон фуқаролари ҳам ҳуқуқий ёрдам сўраб Тожикистон истеъмолчилар иттифоқига (+992 37) 2241411 рақамлари орқали мурожаат қилиши мумкин.
Ушбу амалиёт аввалроқ қонунчилик доирасида кўриб чиқилмаган масала ва муаммоларни ечиш имконини беради.
Изоҳ (0)