АҚШда дунёдаги энг йирик инвестиция компанияларидан бири — Vanguard Group асосчиси Жон Богл 89 ёшида вафот этди. Бу ҳақда «Корреспондент.net» хабар бермоқда.
Саратон хасталиги туфайли оламдан ўтган Боглда юрак билан боғлиқ муаммолар ҳам бор эди. 1967 йилда унга кардиостимулятор ўрнатилган, 1996 йилда эса юрак кўчириб ўтказилганди.
Богл компанияга 1975 йилда асос солганди. Биринчи йили компания бошқарувидаги активлар суммаси 1,7 миллиард долларни ташкил этган бўлса, 2018 йилга келиб бу рақам 5,1 триллион долларга етди.
Fortune журнали Боглни ХХ инвестиция секторининг 4 нафар гигантларидан бири деб атаган, Time эса дунёнинг энг нуфузли 100 кишиси қаторига киритганди.
Изоҳ (0)