Англия терма жамоаси ҳамда «Ливерпуль» клуби ҳимоячиси Трент Александр-Арнольд жароҳат олди.
20 ёшли футболчи 12 январь куни бўлиб ўтган Англия премьер лигасининг 22-турида «Брайтон»га қарши ўйинолди машғулотида тиззасида ноқулайлик сезган, бироқ учрашув сўнгига қадар майдонда тўп сурди.
Тиббий текширувлар хулосасига кўра, Трентнинг тизза бўғимларида пайлар узилган. BBC’нинг хабар беришича, ҳимоячи камида икки ҳафта майдонга тушмайди. Telegraph’нинг ёзишича эса у бир ой давомида жамоасига ёрдам бера олмайди.
19 февраль куни «Ливерпуль» Чемпионлар Лигаси 1/8 финали доирасида «Бавария»га қарши дастлабки учрашувини ўтказади. Александр-Арнольд мазкур ўйинда майдонга тушиши мумкин, дейилади хабарда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)