«Зарафшон» миллий табиат боғида курорт ҳудуд ташкил этилади. Самарқанд вилояти ҳокими қарори билан тасдиқланган туризмни ривожлантириш концепциясини амалга ошириш бўйича 2019 йилга мўлжалланган чора-тадбирлар режасида ана шундай вазифа белгиланган, дея хабар беради «Зарафшон».
Шунингдек, миллий табиат боғида сайёҳлар давомий ва қисқа муддатли дам олиши, экскурсия қилиши учун рекреация ҳудуди ташкил этилади.
Бундан ташқари, вилоятдаги «Каттақўрғон», «Қоратепа» ва «Қорасув» сув омборлари атрофида экотуризм ва рекреация туризмини ривожлантириш чоралари кўрилади.
2019- йил октябрь—ноябрь ойларида эса Самарқандда «Қовун сайли», «Нон сайли», «Палов сайли», «Кишмиш», «Шарқ ширинликлари» фестиваллари ўтказилади.
Изоҳ (0)