2019 йилга мўлжалланган Инвестиция дастурига кўра, жорий йилнинг сентябр ойидан бошлаб Ўзбекистон «Навоиазот» АЖда поливинилхлорид ишлаб чиқаришни бошлайди. Бу ҳақда «Nuz.uz» хабар берди.
2019 йилда бу ерда 17,5 минг тонна поливинилхлорид, 12,9 минг тонна каустик сода ва 52,5 минг тонна метанол ишлаб чиқарилади. Янги заводнинг лойиҳа қуввати 100 минг тонна поливинилхлорид, 71,8 минг тонна каустик сода ва 300 минг тонна метанол ишлаб чиқаришга мўлжалланган.
Поливинилхлорида, каустик сода ва метанол ишлаб чиқариш лойиҳаси қиймати 500 миллион доллардан ортиқ бўлиб, 60,3 миллион долларни «Навоиазот» АЖнинг ўз маблағлари, 66 миллион долларни Ўзбекистон Республикаси Тикланиш ва тараққиёт жамғармаси кредитлари ва 373,8 миллион долларни Хитойнинг «Эксимбанк» кедитлари ташкил этади.
Қурилиш ишлари Хитойнинг SAMC Engineering Cо LTD ва ва HQS (Шангҳаи) компанияларининг консорциуми томонидан амалга оширилиб, 900 дан ортиқ иш ўринлари яратилади.
Расмий прогнозларга кўра, янги саноатда ишлаб чиқариш йўлга қўйилганидан сўнг Ўзбекистон истеъмолчилари импорт қилиш учун йилига 260 миллион доллардан ортиқ пул сарфланган маҳсулот билан таъминланади.
Изоҳ (0)