Наманган вилояти Косонсой тумани Боғишамол МФЙ Боғ кўчаси 99-уйда истиқомат қилувчи Ҳамидовлар хонадонида олти фарзанд дунёга келган.
Улардан учинчи фарзанд Дилшодбек айни кунда хаста. Жигар серрози касаллигининг сўнгги босқичида азоб чекяпти. Бу касаллик билан етти йилдан бери оғриб келади.
Оила бошлиғи бундан 13 йил аввал вафот этган.
Оиланинг кенжа олтинчи фарзанди 15 ёшли Нилуфархон Ҳамидова эса туғма юрак нуқсонидан азият чекади.
Онасининг сўзига кўра, фарзанди Нилуфархонда 5 ёшида «ЮТҲ. Қоринчалар аро тўсиқ нуқсони» ташхиси қўйилган.
Нилуфархон туғма юрак нуқсони сабабли мактабга бориб ўқий олмаяпти. У ўтган 2018 йилнинг сентябрь ойидан буён ўқишни давом эттириш учун саломатлиги тиклангунча уйида якка тартибда таълим олмоқда.
Нилуфархон юрак пороги билан дунёга келган. Шу сабабданми, то бугунга қадар фаол жисмоний ҳаракат қила олмайди. Тез чарчаб қолади, ора-орада иштаҳаси йўқолиб, ўзини лоҳас ҳис этади. Нилуфархоннинг юрагида тез орада операсия ўтказиш лозим. Бунинг учун эса жуда катта маблағ талаб этилади.
«Шунча ҳаракат қилдик, қарз олиб дориларига, даволанишига сарфлаб келдик. Охири имконимиз қолмади. Ёрдам сўрашга мажбур бўлдик. Гулдай қизим 15 йилдан бери юрак касаллиги билан курашиб келмоқда. Дадаси бундан 13 йил олдин оламдан ўтиб кетган. Турмуш ўртоғимнинг вафотидан кейин мен ҳам ота, ҳам она бўлиб жуда қийналиб, олтита фарзандимни вояга етказдим. Фарзандларимнинг етарли миқдорда овқатлантира олмаганим учун, касал бўлганларида даволата олмаганим сабаб ҳозирда ҳаммасининг соғлиғи яхши эмас. Акаси Дилшодбек 7 йилдан бери жигар касаллиги билан оғриб келади. Унга 2012 йилда жигар серрози, гепатит Б ташхиси қўйилган.
Фарзандим 7 йилдан бери ҳар 2—3 ойда шифохонада даволаниши керак бўлсада, имконимиз етмай, даволаниш муолажаларини олмаётганлиги учун соғлигида ижобий натижа бўлмаяпти. Унинг аҳволи кундан кунга оғирлашмоқда.
Ўғлимнинг битта муолажасига 3—4 миллион сўм кетаяпти. Битта дорисини ўзи 1 миллион сўм атрофида. Шифокорлар ўғлимда яқинда яна иккита касалликни аниқлади. Операсия килиш зарур дейишди. Уйимиз бир аҳволда, ҳамма нарсани олиб чиқиб сотиб бўлдик, сотадиган ҳеч нарсамиз қолмади. Ночор ҳолатга келиб қолдик.
Фарзандим Нилуфархонни бир неча бор Тошкентга ҳам олиб бордим. Тошкент Педиатрия тиббиёт институти (эски SAMПИ) шифокорлари текширди. Улар давоси фақат операция деди.
Ҳали қизим Нилуфархон жуда ёш, ҳамма қатори бахтини кўришни истайман. Яхши ниятда яхши инсонлардан ёрдам сўрашга мажбур бўлдик. Бошимизга тушганини бировга раво кўрмайман. Қилган ёрдамларингиз ҳақига бир умр дуода бўламан», — деди Ўғилжон ая.
Нилуфарнинг соғайиб кетишига ҳисса қўшайлик!
Хайрия қилмоқчи бўлганлар учун маълумотлар:
Пластик карта орқали (Click, Payme)
Онаси Халилова Уғулжон Хапизовна номига очилган
Агробанк: 8600 0417 7310 7603
Миллийбанк: 8600 0204 8020 2626
Агробанк Наманган вилояти Косонсой тумани филиали рекзвизитлари:
226180000 99051302500
Халқаро пул ўтказмалар учун: Угулжон Кҳалилова
Агробанк Visa электрон пластик карточка: 4187-8200-0010-1723
Хориждан банкдан маблағ юбормоқчи бўлганлар учун паспорт маълумотлари:
Халилова Ўғилжон Хапизовна
Паспорт рақами: АC 0863911
Онасининг телефон рақами:
+99891 179 46 78
Изоҳ (0)