2019 йилнинг 14 январь куни Ўзбек-Герман бизнес форуми доирасида Ахборот технологиялари ва коммуникацияларини ривожлантириш вазири томонидан германиялик ҳамкорлар билан инвестициявий лойиҳаларни амалга ошириш соҳасида келишувлар имзоланди. Бу ҳақда АКТ вазирлиги ахборот хизматига таяниб, Spot хабар берди.
Хабарга кўра, Германия билан замонавий IT-технологияларини жорий қилган ҳолда, Ўзбекистонда йўл ҳаракати хавфсизлигини янада кучайтириш, йўл ҳаракати қоидаларининг бузилиши ҳолатларига замонавий фото-видео қайд этиш воситаларини жорий қилиш борасида Германиялик ҳамкорларнинг иштироки жадаллаштирилади.
Инвестициявий лойиҳани келгусида янада ривожлантириш ва мустаҳкамлаш мақсадида АКТ вазирлиги, Ички ишлар вазирлиги, «Ўзстандарт» Агентлиги ва «ATLAS International» компаниялар гуруҳи томонидан «Ўзбекистонда йўл ҳаракати қоидалари бузилишларини фото-видео қайд этиш автоматлаштирилган тизими» инвестициявий лойиҳасини амалга ошириш бўйича Келишув имзоланди.
Изоҳ (0)