Ватан ҳимоячилари куни ҳамда Ўзбекистон Республикаси Қуролли Кучлари ташкил этилганлигининг 27 йиллиги муносабати билан Мудофаа, Ички ишлар, Фавқулодда вазиятлар вазирликлари, Давлат хавфсизлик хизмати, Миллий гвардия Давлат божхона қўмитаси раҳбарияти вакилларидан бир гуруҳи ҳарбий оркестр садолари остида Мустақиллик ва эзгулик монументига — Бахтиёр она сиймоси пойига гулчамбарлар қўйди. Бу ҳақда Мудофаа вазирлиги матбуот хизмати «Дарё»га маълум қилди.
Шундан сўнг Ўзбекистон Республикаси давлат мадҳияси янгради. Фахрий қоровул взводи монумент ёнидан тантанали марш садолари остида ўтди. Ватан ҳимоячилари Бахтиёр онага таъзим бажо келтиришди.
Шунингдек, Мудофаа вазирлиги масъул офицерлари ҳамда Ўзбекистон Қуролли Кучлари академияси вакиллари ҳарбий оркестр садолари остида генерал Собир Раҳимовнинг Олмазор туманидаги ҳайкали пойига гулчамбарлар қўйишиб, Ватан ҳимоячиси рамзига ҳурмат-эҳтиром кўрсатди.
Изоҳ (0)