11 январь куни Тошкентнинг Яшнобод туманидаги «Олмос» маҳалласида Тошкент ҳарбий округи ҳарбий хизматчилари учун имтиёзли ипотека кредитлари асосида 904 та хонадондан иборат 31 та уй фойдаланишга топширилди. Бу ҳақда Мудофаа вазирлиги матбуот хизмати «Дарё»га маълум қилди.
Уй калитларини ўз эгаларига топшириш маросимида мудофаа вазирининг биринчи ўринбосари – Қуролли Кучлар Бош штаби бошлиғи генерал-майор Павель Эргашев, Тошкент ҳарбий округи қўшинлари қўмондони генерал-майор Баҳодир Қурбонов, туман ҳокимлиги, ҳуқуқни муҳофаза қилиш органлари, давлат ва жамоат ташкилотлари вакиллари иштирок этиб, янги хонадонга кўчиб ўтаётган ҳарбий хизматчиларни қутладилар.
Таъкидлаш керакки, 2018 йилда Тошкент ҳарбий округи ҳарбий хизматчилари учун айнан шу маҳаллада 18 та уйда жойлашган 540 та хонадон имтиёзли ипотека кредитлари асосида топширилган эди. Жорий йилда эса ушбу кўрсаткич деярли икки баробарга ошган.
Изоҳ (0)