Ўзбекистон ёшлар иттифоқи Марказий Кенгашида «Мамлакатимизда сайлов қонунчилиги: кеча ва бугун» мавзусида Республика бўйича видеоселектор шаклида семинар (вебинар) ташкил этилди. Бу ҳақда «Дарё»га Ёшлар медиа маркази маълум қилди.
Унда Ўзбекистон ёшлар иттифоқи Марказий Кенгаши раисининг биринчи ўринбосари Алишер Саъдуллаев, Олий Мажлис Қонунчилик палатаси депутати Шуҳрат Якубов, Миллий гвардия Тошкент ҳарбий-техник институти доценти Шерзод Зулфиқоров ўз маърузалари билан иштирок этди.
Вебинарда миллий сайлов қонунчилиги, унинг тарихи ва истиқболлари, шунингдек, жорий йил якунида ўтказилиши режалаштирилган сайловларда ёшларнинг ўрни ва роли борасида фикр-мулоҳазалар юритилди.
Тадбирда сайлов тизимини такомиллаштириш жараёнига аҳолининг кенг қатламлари, айниқса, ёшларни жалб этишга алоҳида эътибор қаратилаётганлигини ёшларнинг сиёсий ва фуқаролик фаоллигини кучайтириш, йигит ва қизларда мамлакат ва халқ тақдирига дахлдорлик ҳиссини оширишга хизмат қилиши тўғрисида фикр билдирилиб, сайлов жараёнининг шаклланиши, мавжуд муаммолар, сайлов қонунчилигидаги янгиликларга тўхталиб ўтилди.
Жумладан, сайловчиларнинг электрон баъзаси яратилиши ва унда 18 ёшга тўлган, сайлаш ҳуқуқига эга фуқароларнинг рўйхати шакллантирилиши маълумотларнинг аниқ ва тўлиқлигини таъминлаши қайд этилди.
Изоҳ (0)