Яшнобод туманидаги ҳарбий қисмда Ватан ҳимоячилари куни шарафига тадбир бўлиб ўтди (фото)

Тошкентнинг Яшнобод туманида жойлашган Ички ишлар вазирлиги Қоровул қўшинлари бош бошқармасига қарашли 7534-ҳарбий қисмда Қуролли Кучлар ташкил этилганининг 27 йиллиги ҳамда 14 январь – Ватан ҳимоячилари куни муносабати билан мамлакатда ўтказилаётган Ватанпарварлик ойлиги доирасида тадбир ташкил этилди.

Унда давлат ва жамоат ташкилотлари вакиллари, депутатлар, санъат намоёндалари, ўқувчи-ёшлар иштирок этди.

Тадбирда ўқувчиларга ҳарбийларнинг ҳаёти ва фаолияти, иш жараёнидаги қизиқарли воқеалар, шуғулланиш тартиби ҳақида гапириб берилди. Шунингдек, кўргазмали чиқишлар намойиш этилди.

– Миллий армия жамиятимизнинг ажралмас қисмига ҳамда ўсиб келаётган ёш авлод ва ҳарбий хизматчиларни ватанпарварлик руҳида тарбиялаш, уларнинг фаол ҳаётий позициясини мустаҳкамлашга хизмат қилмоқда, – дейди қисм командирининг тарбиявийвамафкуравий ишлар бўйича ўринбосари подполковник О.Р.Анарқулов. – Ватанни ҳимоя қилиш ёши, фаолияти, соҳаси ва касбидан қатъи назар ҳар бир фуқаронинг чинакам шарафли бурчидир. Айнан шу сабабли мамлакатимизда Ватан ҳимоячилари куни байрамини нишонлашга алоҳида эътибор қаратилмоқда.

Тадбирда мактаб ўқувчилари ҳам чинакам ватанпарварлик йўлидаги илк интилишлари акс этган чиқишларини намойиш этди.