Мьянма суди 11 январь куни рохинжа мусулмонларининг ўлдирилиши билан боғлиқ вазиятни текшираётганда давлат сири тўғрисидаги қонунни бузганлик учун етти йилга ҳукм қилинган Reuters’нинг икки нафар журналисти аппеляциясини рад этди. Бу ҳақда «РБК» хабар берди.
Маълум бўлишича, журналистларнинг адвокатлари уларнинг айбсизлигини исботлайдиган етарли далил тақдим этмаган.32 ёшли Ко Ва Лон ва 28 ёшли Ко Кя Сой Оо устидан «мамлакат миллий хавфсизлигига путур етказгани учун», Мьянма полициясидан армия ҳаракати тўғрисидаги махфий файлларни ноқонуний қўлга киритгани тўғрисида қарор чиқарилган.
Тергов маълумотларига кўра, икки нафар полициячи журналистларга Янгон шаҳри ресторанларидан бирида ҳужжатларни берган. Журналистлар Мьянма ҳукумати билан низоларда 10 нафар рохинжа мусулмонларининг қотиллигини текширув ишлари билан шуғулланган.
Ҳимоя суд қарори устидан Мьянма олий судига шикоят қилишга ҳақли.Reuters агентлиги бош муҳаррири Стивен Жей Адлер судни ҳукмни қайта кўриб чиқишга чақирди.
«Бугунги қарор Ва Лона ва Ко Сой Оо учун яна бир адолатсизлик саналади. Улар панжара ортида ҳукумат ҳақиқатни яширишга урунаётгани учун қолмоқда», — дейди Адлер.«Мьянма бу даҳшатли жиноятни тузатмагунча Мьянма матбуоти эркин бўлмайди», — дейди Reuters муҳаррири.Ўзларининг аппеляцияларида адвокатлар журналистларнинг жиноят қилганликлари тўғрисида далиллар йўқлигини маълум қилган.
Шунингдек аппеляцияда прокурорлар журналистларнинг махфий маълумотларни Мьянма душманларига юбориш ёки мамлакатнинг миллий хавфсизлигига зарар етказиш мақсади исботланмаганлиги маълум қилинган.Мьянма ҳукумати ва рохинжа мусулмонлари ўртасидаги зиддият бир неча ўн йиллардан бери давом этади. Ҳукумат бу халқни Бангладешдан бўлган ноқонуний муҳожирлар деб ҳисоблайди, бироқ улар ўзларини
Ракхайн штатининг туб аҳолиси деб санайди. Вазият, 2017 йилнинг август ойида «Рохинжа нажот армиясининг» Мьянма армияси ва полиция бўлинмалари ҳужумидан сўнг кучайди.
Шундан сўнг Мьянма армияси ва полицияси «террористларга қарши» операция ўтказди, бу эса рохинжа қочоқларини қўшни мамлакатларга чиқиб кетишига сабаб бўлди. Фақат Бангладешга 400 мингга яқин одам қочиб кетган. БМТ, халқаро гуманитар ташкилотлар, мусулмон ва ғарб давлатларининг бир қисми ушбу ҳодисани геноцид деб атамоқда.
Изоҳ (0)