8 январь куни Ахборот технологиялари ва коммуникацияларни ривожлантириш вазирлиги, Тошкент шаҳридаги Инҳа университети ҳамда «Ўзавтотранс» агентлиги биргаликда халқаро мультимодал транспорт-логистика марказининг электрон платформасини яратиш тўғрисидаги лойиҳани ишлаб чиқиш борасида қарор қабул қилди. Бу ҳақда АКТ вазирлиги матбуот хизмати хабар берди.
Лойиҳада:
- юкларни экспорт-импорт қилишда транспортда ташиш билан боғлиқ маълумотларни тўплаш, ишлов бериш ва таҳлил қилиш, шунингдек, уларни тезкор ва ўрта муддатли режалаштириш;
- экспорт-импорт юкларни ташишда транспортда ташиш ва омборга жойлаштиришни қулайлаштириш;
- транспорт харажатларини қисқартириш, келиштириш ҳисобига етказиб бериш;
- омбор операцияларининг самарадорлигини ошириш;
- логистика жараёнини барча иштирокчиларнинг аниқ ҳисоб-китоблар ва оқилона ҳаракатлар ягона электрон платформасини яратиш кўзда тутилган.
Меморандум доирасида Тошкент шаҳридаги Инҳа университети «Ўзавтотранс» агентлиги мутахассислари билан биргаликда университет мутахассисларини жалб қилган ҳолда, платформадан фойдаланиш бўйича илмий тадқиқотлар, қисқа муддатли ўқиш, малакавий семинарлар, тренинглар, мастер-классларни ташкил этади.
Изоҳ (0)