Янги қуриладиган, реконструкция қилинадиган, капитал таъмирланадиган маданият марказларининг манзилли рўйхати тасдиқланди. Бу ҳақда Ўзбекистон Республикаси Маданият вазирлиги томонидан 2018 йил давомида соҳада амалга оширилган ишлар ва 2019 йилда кўзланган режалар юзасидан ўтказилган анжуманда маълумот берилди, деб ёзади «Халқ сўзи».
Президентнинг 2018 йил 28 ноябрдаги қарори асосида тасдиқланган Ўзбекистон Республикасида миллий маданиятни янада ривожлантириш Концепциясига мувофиқ Қорақалпоғистон Республикаси Вазирлар Кенгаши, вилоятлар ва Тошкент шаҳрида фаолият кўрсатаётган маданият ва аҳоли дам олиш марказлари негизида маданият марказлари ташкил этилиши кўзда тутилган.
Ушбу муассасаларни замон талабларига мос таъмирлаш, уларнинг моддий-техника базасини мустаҳкамлаш чора-тадбирлари олиб борилмоқда. 2019—2022 йилларда 147 та маданият марказида қурилиш-таъмирлаш ишлари амалга оширилади. Жумладан, 26 та объект янгидан қурилса, 45 таси реконструкция қилиниши белгиланган. Яна 76 та маданият маркази капитал таъмирлаш ишлари олиб борилади.
Изоҳ (0)