Сўнгги бир неча йил ичида бутун дунё бўйлаб тинч аҳоли вакилларига тегишли ўқотар қуроллар сони кескин ўсди. Бу ҳақда The Wall Street Journal журналига таяниб, «Газета.ru» хабар берди.
Журнал томонидан қайд этилишича, Швейцариянинг Small Arms Survey ташкилоти томонидан ўтказилган тадқиқот 2017 йилда ўқотар қуроллар сони дунёда бир миллиардга етганини кўрсатган. Бу эса 2006 йилга нисбатан 32 фоизга кўп ҳисобланади.
Хабар берилишича, бу қуролларнинг 85 фоизи ёки 857 миллионтаси оддий аҳолига тегишли, ҳарбийлар қўлида эса 133 миллионта, ҳуқуқни муҳофаза қилувчи идораларда эса 23 миллионта қурол мавжуд.
Энг кўп қурол АҚШнинг оддий аҳолисида бўлиб, 393,3 миллионтани ташкил қилади. Иккинчи ўринда 71,1 миллионта қурол билан Ҳиндистон туради, учинчи ўринни 49,7 миллионта қурол билан Хитой, тўртинчи бешинчи ўринни Покистон ва Россия мос равишда 43,9 миллионта ва 17,6 миллионта қурол билан эгаллаган.
Изоҳ (0)