Юзлаб немис сиёсатчиларининг аккаунтларини бузган хакер мактаб ўқувчиси бўлиб чиқди. У ота-онаси билан Гессен ерининг марказий қисмида яшайди. Бу ҳақда «РИА Новости» хабар берди.
Франкфурт бош прокурорининг маълум қилишича, йигит 20 ёшда ва у мактабга боради. Аввалроқ бош прокуратура 20 ёшли Германия фуқароси 2018 йилнинг декабрь ойидан бошлаб Twitter’да сиёсатчилар, журналистлар ва жамоат арбобларига тегишли шахсий маълумотларни тарқатганликда гумонланаётганини маълум қилган.
Йигит сўроқ қилинган ва уйига қўйиб юборилган. Бош прокурорнинг сўзларига кўра, йигит ўз ҳаракатлари юзасидан қўшимча маълумотлар тақдим этган ва ўз айбини тўлиқ тан олган ҳамда терговга ёрдам берган. Йигитнинг нима учун бу ишларни амалга оширгани ҳали тўлиқ аниқланмаган.
Изоҳ (0)