Магнитогорскдаги газ портлаши оқибатида қулаган кўп қаватли уй подезди вайроналари остидан фожиадан уч кун ўтиб 4 нафар тожикистонлик — она ва унинг уч боласи жасади топилди. Бу ҳақда Asia-Plus хабар бермоқда.
«Ражабмо Исоева ва унинг уч боласи жасади топилди. Яқинлари уларни танишга улгурди», — деди Тожикистоннинг Екатеринбургдаги бош консули Сафар Сафаров.
Консулнинг айтишича, жасадлар 2 январь куни кечки пайт топилган, бироқ уларни таниш учун яқинлари фақат эртасига таклиф этилган. Ҳалок бўлганлар жасадини Тожикистонга жўнатиш масаласи яқин кунлар ичида ҳал этилади.
Оила бошлиғи, Тожикистоннинг Хатлон вилояти, Кушониён туманилик 26 яшар Шуҳрат Улфатов вайроналар остидан биринчилардан бўлиб топилган ва касалхонага ётқизилганди.
Изоҳ (0)