Ноёб видео муаллифи National Geographic’даги мушуксимонларни сақлаб қолиш лойиҳаси доирасида фаолият олиб борган биолог Люк Доллар бўлади. Бу ҳақда National Geographic ёзади. Ягуарнинг ҳужуми Бразилиядаги Пантанал тектоник ботқоқлиги ҳудудида суратга олинган.
Пантаналнинг умумий майдони 195 минг квадрат километр бўлиб, у сайёранинг энг йирик ботқоқлиги саналади. Бу ернинг табиати ранг-баранг: ўсимликларнинг 3500 тури, қушларнинг 650 тури, балиқларнинг 230 тури, сутемизувчиларнинг 80 тури, судралиб юрувчиларнинг эса 50 тури мавжуд. Бу ерда 20 миллионга яқин тимсоҳ яшайди.
Ягуар шер ва йўлбасрдан фарқли ўлароқ, яшаш жойида туёқлилар бўлмаганлиги сабабли одатда сув олдида ов қилади. Унинг асосий ўлжаси — капибарлар, кайманлар, ҳамда ўзи кучи етадиган ҳар қандай ҳайвонлардир.
Ўлжасига ташланганида ягуар унга орқадан ҳамла қилиб бўйнидан тишлайди, кейин эса ерга ағдаради. Аммо қурбон ягуарни сезиб қолиб қоча бошласа, ягуар унинг ортидан ҳеч қачон қувмайди.
Изоҳ (0)