Швециялик олимларнинг аниқлашича, Янги йил ва бошқа байрамлар арафасида эмоционал стресслар сабабли юрак хуружлари хавфи сезиларли даражада ошади. Бу ҳақда ABC News хабар берди.
Тадқиқотчилар Швецияда 1998—2013 йилларда юз берган 283 мингта миокард инфаркти ҳолатини ўрганиб чиққан. Рождество, Янги йил, Пасха байрамлари олдидан, шунингдек, йирик спорт тадбирлари, хусусан, футбол бўйича Жаҳон ва Европа чемпионати ҳамда Олимпиада ўйинлари вақтида юз берган юрак хуружлари аниқланган.
Таъкидланишича, Янги йил, Росждество байрамларида ва ёзги таътилларда миокард инфаркти хавфи энг юқори даражага чиқади. Аксарият ҳолларда инфарктдан 75 ёшдан катта кишилар, шунингдек, диабет ва юрак ишемик касалликлари бўлган кишилар азият чеккан.
Изоҳ (0)