АҚШ президенти Дональд Трамп ИШИДга қарши кураш бўйича махсус вакили Бретт Макгурк истеъфо берганини тасдиқлади. Бу ҳақда «ТАСС» маълум қилди.
«Бретт Макгурк президент Обама томонидан 2015 йилда тайинланганди. У асли февраль ойида лавозимини тарк этиши керак эди, эртароқ истеъфо берди. Ўзини кўрсатмоқчи бўлган. Алдамчи ОАВлар эса йўқ нарсадан янгилик тўқиган!» — дея ёзув қолдирган Трамп Twitter’даги саҳифасида.
Олдинроқ Associated Press (AP) агентлиги Макгурк Трампнинг Суриядан АҚШ қўшинларини олиб чиқиш қарорига норозилик сифатида истеъфо берганини билдирганди. У ИШИД узил-кесил тор-мор этилгани ҳақидаги фикрга қўшилмаслиги, Суриядан қўшинлар чиқарилишига асос йўқлигини та’қидлаган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)