Таиландлик YouTube блогери «Коинот гўзали 2018» унвони эгасининг кўйлагини танқид қилди ва Таиланд қонунини бузди. Бу ҳақда The Guardian хабар берди.
Таниқли бошловчи Ванчалеом Жамнеанпол Facebook‘даги жонли эфирда «Коинот гўзали 2018» ғолибининг кўйлагини хунук деб атаган. Кўйлакнинг муаллифи Таиланд маликаси Сиривиннавари Нариратана бўлган. Блогер қиз мамлакатнинг ҳокимиятга нисбатан ёмон гаплар ишлатишни тақиқловчи қонунини бузганликда айбланган.
Айбловлардан сўнг блогер ўз постини ўчириб ташлаган ва навбатдаги видеомурожаатда узр сўраган ҳамда ҳокимиятни ҳақорат қилишни истамаганини тан олган.
Айни пайтда Таиланд полицияси суриштирув олиб бормоқда.
Изоҳ (0)