Асли келиб чиқиши ўзбекистонлик бўлган россиялик миллиардер Россиянинг Forbes нашрига берган интервьюсида Ўзбекистондаги роли ҳақидаги гапирди.
Forbes мухбирининг «Сизнинг собиқ шеригингиз Бидзина Иванишвили ҳам ўз ватани Грузияга кетди. У ерда ҳокимиятни муваффақиятли ушлаб турган партияни яратди, хайрия ишларини амалга ошириб, ижтимоий лойиҳаларни молиялаштирмоқда. Ўзбекистондаги ролингиз Иванишвилининг Грузиядаги ўрни билан бир хил бўладими?» деган саволига жавобан:
«Йўқ, йўқ, бу умуман бошқа ҳикоя. Боря Россия фуқаролигидан воз кечди. Мен эса аввало Россия фуқаросиман. Менга инвестор ёки ҳатто шерик сифатида пул топиш керак бўлган баъзи бизнес лойиҳалар билан шуғулланиш қизиқарли эмас ва мен буни хоҳламаган бўлар эдим.
Бироқ, бошқа инвесторлар ишончини қозониш учун пул сарфлаш зарур бўлса, улар таваккал қилишдан қўрқмасликлари учун мен бунга тайёрман. Ўзимни Ўзбекистон раҳбариятининг ёрдамчиси деб ҳисоблайман», — дейди Алишер Усмонов.
Forbes: Маслаҳатчи, консултант сифатидами?
— Йўқ, қанақа маслаҳатчи? Мен доимо у ерда ишлаяпман ва Президент Мирзиёевнинг мамлакатда бошлаган ислоҳоти муваффақиятли якунланиши мен учун жуда муҳимдир. Ўзбекистоннинг келажаги унинг ютуғига боғлиқ — бу ҳодисага эса бефарқ эмасман.
Изоҳ (0)