Асли келиб чиқиши ўзбекистонлик бўлган россиялик миллиардер Алишер Усмонов Россиянинг Forbes нашрига берган интервьюсида Ўзбекистон Президенти Шавкат Мирзиёевнинг қайси футбол клубига мухлислик қилиши ҳақида гапирди.
Forbes мухбири миллиардерга « ‘Ўзметкомбинат’ ва ‘Ўзиккиламчиранглиметалл’ СФИ гуруҳи томонидан бошқарилмоқда. Компания кузатув кенгашининг раиси - миллиардер Фаттоҳ Шодиевнинг қариндоши Бобур Шодиев. СФИ — бу Фаттоҳ Шодиевнинг гуруҳими?» дея савол берди.
«Йўқ, бу нотўғри. СФИ унинг акаси, менинг дўстимнинг оиласига тегишли. Бизнинг ‘Металлоинвест’ компаниямиз унинг компанияси билан ишлайди. Яқинда СФИ ‘Пахтакор’ ФКнинг 80 фоизини сотиб олди. Биз бу жамоага ишқибозлик қиламиз. Президент ҳам бу клубнинг мухлиси.
Албатта, биз уни қайта тиклашни истаймиз — аввалига Осиё чемпиони бўлишини, кейин эса жиддий кубоклар учун кураш олиб боришини. Агар СФИ ‘Пахтакор’ни ривожлантирса, мен тушунадиган ва менга ёқадиган нарсани қилса, унда мен барча имкониятларим билан ёрдам беришга тайёрман. Аммо, бу мен ‘Пахтакор’нинг акциядори ёки эгаси бўлишни хоҳлайман, дегани эмас», - дейди Алишер Усмонов ушбу саволга жавобан.
Аввалроқ, Алишер Усмоновнинг ушбу интервью чоғида Ўзбекистон Президенти Шавкат Мирзиёевга бўлган муносабати ҳақида гапирган эди.
Изоҳ (0)