АҚШ яқин орада Киевга янги қуроллар етказиб беришни бошлайди. Бу ҳақда АҚШ Давлат департаментининг Украина бўйича махсус вакили Курт Волкер Брюсселдаги матбуот анжуманида айтиб ўтди, деб ёзади «РИА Новости».
«Бизда қўшимча ҳарбий ускуналар сотиш имконияти бор. Эълонлар қилинади, Конгресс яқин икки ой ичида биринчи траншлар ҳақида хабардор қилинади», — деди Волкер.
Дипломатнинг сўзларига кўра, АҚШ Конгресси Украинага ҳарбий ёрдамни 2019 йил учун бюджет доирасида кўриб чиқмоқда.
Шунингдек, Волкер Вашингтон Қора денгизга қўшимча кемаларни йўналтириш имкониятини ўрганиб чиқаётганини маълум қилди.
Унинг сўзларига кўра, АҚШнинг муҳим иттифоқдоши минтақада ўта аҳамиятли роль ўйновчи Анқара ҳисобланади.
Изоҳ (0)