Тошкентда 14 декабрь куни «Меҳнат соҳасининг келажаги: муносиб меҳнат билан бандликни таъминланиш ташаббуслари» номли халқаро конференция бўлиб ўтди. Бу ҳақда «Газета.uz» хабар берди.
«Биргаликда (Ўзбекистон ҳукумати билан) биз Ўзбекистонда болалар ва мажбурий меҳнатга барҳам бериш борасида натижага эришдик. Бир неча йил аввал бундай натижаларга эришишнинг имкон йўқ, деб айтган бўлардик. Менинг Тошкентга ташрифимнинг аҳамияти шундаки, ХМТ Ўзбекистон билан муносабатларни ривожлантириш ва манфаатдор томонларни Ўзбекистондаги ислоҳотларга жалб қилиш устида биргаликда фаолият олиб бориш истагини билдирмоқда», — дейди Халқаро меҳнат ташкилоти бош директори Гай Райдер.
У шунингдек маҳаллий ва халқаро ижтимоий адолат бўйича статистикани келтирди. «Бугун бутун дунёда деярли 200 миллион одам ишсиз, 700 миллион одам муҳтожликда ҳаёт кечирмоқда», — дейди ХМТ бош директори.
Унинг баҳолашича, Евроиттифоқ мамлакатларининг 20% аҳолиси муҳтожлик ва ижтимоий адолатсизликка дучор.
«Ўзбекистонда 12 фоизга яқин аҳоли қашшоқлик чегарасида яшайди, шу сабабли ХМТнинг ижтимоий адолатга нисбатан вазифаси мамлакатнинг бор салоҳиятини умумлаштириб, ижтимоий фаровонликни барчага адолат билан тақсимлашдан иборат. Биз адолатсизлик муаммоси билан курашишимиз лозим — менинг фикримни қўллаб-қувватлашингизни биламан», — деб Гай Райдер конференция иштирокчиларига мурожаат қилди.
Меҳнат бозорининг янги дунёси ижтимоий ҳимоя ва муносиб меҳнатни таъминлаш бўйича янги моделлар, қоида ва стандартларни ишлаб чиқишни талаб этади.
Унинг фикрича, энг катта хавф бу жамиятнинг меҳнат бозорида фан ва инновацияни адолат билан қўллай олмаслигидадир.
Халқаро анжуманда Марказий ва Шарқий Осиёнинг меҳнат вазирлари, ХМТ вакиллари, БМТТД, ЕХҲТ, UNICEF, Халқаро миграция ва Осиё тараққиёт банки вакиллари иштирок этмоқда.
Изоҳ (0)