Москвада украиналик журналист аёл Елена Бойко йўқолиб қолди. Бу ҳақда «Газета.ru» хабар берди.
Хабар берилишича, Бойконинг уйига ўзини участка инспектори деб таништирган эркак, шунингдек, яна икки нафар полициячи ва бир нафар фуқаро кийимидаги киши келган.
Улар Бойкодан суҳбат учун полиция бўлимига боришни сўраган, шундан кейин аёл йўқолиб қолган.
Бойко телефонини уйида қолдириб кетган ва қариндошларининг уни топишга бўлган урунишлари бефойда кетган. Журналист ҳақида икки суткадан буён ҳеч қандай маълумот йўқ.