Франция полицияси Страсбург шаҳрининг Нодорф даҳасида махсус операцияни якунлади, 11 декабрь куни кечқурун отишма уюштирган эркакни қўлга олишга муваффақ бўлинмаган. Бу ҳақда «РИА Новости» хабар берди.
Даҳада ўтказилган операцияда 700 дан ортиқ полиция ходими, ҳарбийлар ва иккита вертолёт иштирок этган.
Хабар берилишича, операция тугаган, ўраб олинган ҳудуд очилади. Полиция мерганни излашда давом этмоқда.
11 декабрь куни кечқурун 29 ёшли эркак Страсбургдаги бир қатор Рождество ярмаркалари ёнида ўт очган. Ҳужумда ҳуқуқни муҳофаза қилиш идораларига кўплаб жиноятлар билан маълум бўлган страсбурглик Шериф Ш. исмли эркак гумонланмоқда. У жиноят жойидан қочиб кетган. Сўнгги маълумотларга кўра, отишма оқибатида уч киши ҳалок бўлган, 13 киши жароҳат олган.
Аввалроқ Франция полицияси Страсбургдаги ярмаркада отишма уюштиришда гумонланувчи шахснинг опасига тегишли уйда тинтув ўтказаётгани хабар берилган эди.
Изоҳ (0)